PRÁCTICA DE PRESENTACIÓN EN IMPRESS DE OPENOFFICE.Esta práctica consiste na realización dunha presentación co programa
Impress de
OpenOffice, de un tema da programación da materia de Ciencias para o Mundo Contemporáneo.
Os temas das presentacións e o reparto é o seguinte:
- CAMBIO CLIMÁTICO: Alex Burés Romero e Adrián Batalla Romero
- ENERXÍAS RENOVABLES: Desirée Fernández Gómez e Iria Triñanes Otero
- O PROBLEMA DA AUGA: Iván Lorenzo collazo e Carlos Rivas Noal.
- O DESENVOLVEMENTO SOSTIBLE: Mauro Dieste García e Samuel Vila Miranda.
- ORGANISMOS MODIFICADOS XENETICAMENTE: Fernando Sánchez Vidal e Éder Alonso Abeijón.
- AS CÉLULAS NAI: Araceli Nine García e Iésica Sobradelo Tarela.
- ENFERMIDADES INFECCIOSAS DO SÉCULO XXI. A SIDA , TUBERCULOSE, MALARIA, ÉBOLA: Elena Garrido Miranda e Ángela Neu Fernández.
- HÁBITOS DE VIDA SAUDABLES: Vanesa Alonso Rey e Andoni Farto Romero.
- EVOLUCIÓN: Antía Pimentel Iglesias e Laura Muñiz Triñanes.
- ASTRONOMÍA: Raquel Muñiz Vázquez e Tamara Romero Ruoss.
- NANOTECNOLOXÍA: Steven Muñiz Lago e Adrián A. Vidal Carou.
A vindeira semana adicaremos unhas sesións á analizar a estructura e realización dunha presentación e á utilidade e aplicación do programa.
De momento quedádevos con estas ideas xerais a ter en conta á hora de realizar unha presentación:
O primeiro que deberá preocuparnos é a audiencia á que vai dirixida a presentación. Que perfil ten: idade, nivel social e cultural... Que espera da presentación: entreterse un pouco, obter datos precisos, que as explicacións sírvanlle para solucionar un problema, etc. Que coñecemento ten do tema: non sabe nada, é un experto na materia,ten unha vaga referencia...
Todo isto axudará a definir o obxectivo da presentación:
Que imos explicar.En que nos debemos centrar.Con que finalidade.
Partindo destas premisas, o seguinte é preparar a estrutura da presentación, que debería seguir a seguinte formulación:
Introdución, na que se destacarán os obxectivos e puntos crave da presentaciónDesenvolvemento de cada un dos puntos.
Peche, coas conclusións que responden ás preguntas ou dúbidas iniciais.
A continuación, os seguintes pasos de cara á exposición púbica serán:
Preparar o discurso anotando os temas a tratar.
Facer un guión co que imos dicir.Se o cremos conveniente ou é necesario para unha mellor comprensión, preparar unha documentación completa para entregar ós participantes.
Dispoñer o material de apoio.
Ensaiar a presentación.
GoAnimate é un sitio web onde podemos facer historietas animadas e ademais nos permite compartilas de xeito sinxelo.
GoAnimate
OpenOffice.org é unha suite ofimática -recompilación de programas utilizados en oficinas que serve para diferentes funcións- de software libre e código aberto de distribución gratuíta. OpenOffice posúe as características normais de todo procesador de texto, folla de cálculo, programa de presentacións, debuxo vectorial e base de datos similares ao Microsoft Office 2003, a suite ofimática de Microsoft e algunhas características adicionais. Le e escribe os documentos no seu formato nativo, que é ademas unha norma internacional ISO OpenDocument, co que é doado o intercambio de documentos con moitos outros programas, e pode ser utilizado sen custo ningún. Está dispoñible para moitas plataformas como Microsoft Windows e sistemas de tipo Unix como GNU/Linux, BSD, Solaris e Mac OS X. OpenOffice está pensado para ser altamente compatible con Microsoft Office, con quen compite.
Impress é o programa de presentación co que traballaremos en clase na práctica que estades a realizar actualmente, é similar a Microsoft PowerPoint ou Keynote de Apple. Pode exportar presentacións ao formato SWF, permitindo que se reproduza en calquera computadora cun reprodutor de Flash instalado. Tamén inclúe a capacidade de crear arquivos PDF, e a capacidade de ler arquivos de Microsoft PowerPoint (ppt). O seu formato orixinal é ODP.
.
