Imaxe dixital. PrácTICas 18 e 19.

Na práctica 18 debedes realizar unha fotomontaxe na imaxe 6, substituíndo un dos rostros por outro
personaxe diferente, adaptando a resolución, cor, iluminación, etc... Na 19 deberedes realizar unha imaxe simulando un avistamento de un ou varios ovnis sobre o instituto. Os traballos deberanse incluír na mesma entrada do blog persoal de cada alumno/a que a da práctica 17.

Imaxe dixital. GIMP.

GIMP (GNU Image Manipulation Program) é un programa de edición de imaxes dixitais en forma de mapa de bits, tanto debuxos coma fotografías. É un programa libre e gratuíto. Está englobado no proxecto GNU (sistema operativo completamente libre).
Gimp é unha alternativa firme, potente e rápida a Photoshop para moitos usos, aínda que non se desenvolveu como un clon del e posúe unha interface bastante diferente.
GIMP le e escribe a maioría dos formatos de ficheiros gráficos, entre eles; jpg, gif, png, pcx, tiff, os de Photoshop, ademais de posuír o seu propio formato de almacenamento de ficheiros, xcf. É capaz de importar ficheiros en pdf. Tamén importa imaxes vectoriais en formato svg creadas, por exemplo, con Inkscape.

GIMP. Aquí podedes descargalo.

Imaxe Dixital. Retoque fotográfico.PrácTICa 17.

Cas imaxes 3, 4 e 5, deberase realizar unha fotocomposición para un cartel publicitario dunha empresa de tatuaxes.
Traballando por capas e a aplicación de sombras situarase a imaxe 4 sobre o fondo 3. Na imaxe 4 simularanse dúas tatuaxes, unha delas deberá ser o debuxo da imaxe 5.
Incluirase un texto alusivo á empresa.
A imaxe final subirase ó blog persoal como entrada nova.