Notas do primeiro trimestre

Na conta de Gmail persoal de clase tendes un correo con unha serie de apuntes e consideracións respecto das actividades realizadas neste trimestre que remata. Comentarios en xeral para todos e todas e, en particular para cada un/unha de vos, así como a nota deste trimestre.

PrácTICas. 13. Colaboración na Wikipedia.

Nesta actividade deberedes facer unha ou varias colaboracións coa Wikipedia ou Galipedia.

As colaboracións poden ir dende completar algún artigo, a crear artigos novos, traducir artigos, engadir imaxes ou contidos multimedia libres de dereitos, etc...

As colaboracións poden ser sobre cousas do voso entorno ou parroquia, festas, acontecementos, área de interese, afición, etc...

Ollo. A wikipedia non é unha páxina calquera na que opinar sen mais. Hai que ser serios e exhaustivos e utilizar a guía de estilo da mesma. Así que antes de facer nada permanente é importante familiarizarse co funcionamento da wikipedia nunha área de proba para experimentar antes de facer algo definitivo.

Antes de comezar a escribir, tomádevos un tempo para ler, especialmente algunhas destas seccións.

Galipedia: Como colaborar

Wikipedia: Cómo colaborar

Antes de publicar a colaboración deberedes publicala no voso blog e comunicarllo ó profesor mediante un comentario nesta mesma entrada. É recomendable redactar os artigos nun procesador de texto e realizar as correccións correspondentes antes de calquera publicación.

En resumo:

- Redactades un artigo novo para unha posterior colaboración en Wikipedia ou galipedia. Debedes buscar a información xa existente ó respecto.

- Publicades o escrito no propio blog, para que permaneza íntegro sen que outros usuarios wiki poidan modificalo. Cando o publiquedes no blog engadiredes un comentario nesta mesma entrada do blog de clase cun enlace á entrada correspondente do voso blog, indicade nome e apelidos.

- Hai que facer unha contribución á wikipedia, como usuario rexistrado da mesma.

- A colaboración que fagades publicádela no voso blog nunha nova entrada, cun enlace á wikipedia onde se atope a vosa colaboración.


Atención, os traballos que sexan eliminados ou bloqueados por administradores da Wikipedia non contarán como traballo feito de cara a nota. Unha entrada eliminada significa que hai que facer outra. (E ten que durar todo o primeiro trimestre).

PrácTICas. 12. A verdade según Wikipedia.

O pasado xoves 19 de novembro, estivemos vendo en clase o documental “A verdade según Wikipedia”. Neste documental amosábanse diferentes puntos de vista e opinións de expertos no tema.

No voso correo persoal de clase tendes unha mensaxe con algunhas desas opinións recollidas do documental. Debedes expresar a vosa opinión respecto de cada unha delas razoando e argumentando as respostas.

Tendes que redactar as respostas e envialas por correo electrónico a franblancoalcaide.barranha@gmail.com

Google Image Swirl

Google acaba de sacar un novo e interesante servizo de busca de imaxes, trátase de Google Image Swirl. Polo de agora está dispoñible en Google Labs. Diferénciase da busca normal en que recoñece patróns nas formas que permiten agrupar os resultados en grupos que fan moito máis doada a súa exploración.

Wikis educativas

A continuación unha serie de wikis interesantes para afondar, buscar información e recursos para as vosas materias.

Wikillerato: Trátase dunha wiki educativa das materias de Bacharelato, no que ademais de artigos de desenvolvemento, encontrarás animacións flash e outros materiais multimedias.
Wikillerato tamén é unha proposta colaborativa para profesores e estudantes. De forma similar a como se fai en Wikipedia, son os seus propios usuarios quen van dando forma ao contido. Naturalmente, existen profesores de acreditado prestixio que fan o labor de moderadores, tutelando as colaboracións e garantindo a fiabilidade.

Wikiversidad: unha plataforma dirixida a docentes e alumnos de calquera nivel educativo.


Kalipedia: é unha enciclopedia en liña creada polo grupo Santillana, que pretende ser unha ferramenta de consulta para profesores e alumnos.
Os contidos atópanse clasificados por materias, Artes, Ciencias Naturais, Xeografía, Historial, Enxeñería (Tecnoloxía e Informática), Lingua e Literatura, Matemáticas, Pensamento, Relixión e Cultura. Ademais de contidos de texto, conta cunha sección multimedia con fotos, vídeos, animacións e audio.


HowStuffWorks: sitio web americano, é un recurso fantástico que explica de forma clara como funcionan as cousas que temos a noso arredor.

Makerwiki: é un wiki que onde podemos aprender a facer as cousas máis variadas, desde construír un imán ata fabricar un motor a reacción de papel, podería definirse como a "enciclopedia do como facer". En MakerWiki encontraremos artigos, vídeos e animacións que explicarannos como podemos construír obxectos e realizar experimentos moi variados.



WiChiron: recursos en internet para linguas clásicas. Cultura Clásica, latín, grego...

Outras Wikis

Ademáis dá wikipedia, existen moitas outras wikis organizadas de forma temática.

Incluso podemos crear wikis dende cero sobre ou tema que interésanos a través de diferentes provedores de servizos.

Imos ver algunhas dás máis famosas:

Wikipedia: a wiki de referencia máis estendida. Autodefinida como un esforzo colaborativo por crear unha enciclopedia de balde, libre e accesible por todos. Permite revisar, escribir e solicitar artigos.

A Galipedia: é o nome co que se coñece a Wikipedia en galego. Botou a andar o 8 de marzo de 2003 .

Wikilibros: libros de texto e manuais. Ten por obxectivo pór á disposición de calquera usuario libros de texto, manuais, titoriais ou outros textos pedagóxicos de contido libre.

Wikcionario: dicionario multilingüe libre en cada lingua, con significados, etimoloxías e pronunciacións.

Wikinoticias: fonte de noticias de contido libre na que se pode publicar.

Commons: depósito centralizado de imaxes, música, son, vídeo libre e gravacións de textos utilizados en artigos nos diferentes proxectos do grupo Wikimedia.

Wikiquote: compendio aberto en liña de frases célebres en diferentes linguaxes, que inclúe a fonte, traducións e que está enlazada á Wikipedia.

Wikisource: biblioteca en liña de textos orixinais que se encontran en dominio público ou que sexan publicados cunha licenza GFDL..

Wikiespecies: directorio aberto e libre de especies. Cobre os animais, plantas, fungos,...

Wikimania: é unha cita anual de usuarios e colaboradores de proxectos wiki dirixidos pola Fundación Wikimedia e unha conferencia para presentar estudos, investigacións, observacións e experimentos relacionados cos proxectos, a cultura e tecnoloxía wiki e o coñecemento libre.

Anarcopedia: a primeira enciclopedia wiki anarquista.

Conservapedia: unha enciclopedia escrita desde o punto de vista parcial e conservador. (En inglés).

Disinfopedia: é unha enciclopedia libre creada a partir de varias organizacións co fin de documentar sobre propaganda enganosa ou fraudulenta. (En inglés).

Enciclopedia Libre: un proxecto para crear unha enciclopedia libre, universal e en español.

Epistemowikia: publicación con espírito enciclopédico .

LyricWiki: sitio web que alberga letras de cancións.

Solarpedia: é unha wikipedia sobre a enerxía solar como unha das solucións que pode axudar a sostibilidade do planeta.

Wookieepedia: enciclopedia sobre o universo de Srta Wars, incluíndo os seis filmes, as series de animación e o Universo Expandido..

Inciclopedia: versión española da Unclycopedia, parodia en clave de humor de Wikipedia.

Frikipedia: versión paródica da wikipedia en clave de humor, tamén coñecida como a “enciclopedia extremadamente seria”.

Wikis e construción social do coñecemento

As wikis comparten numerosas características cos blogs, pero representan un paso máis no acelerado e imparable proceso de socialización da rede. A palabra “wiki-wiki” significa en hawaiano “rápido”; expresión repetida entre os remeiros das canoas que coñecen como ninguén o valor do esforzo colaborativo na consecución dunha meta. O termo utilízase entre os internautas para designar unha ampla colección de páxinas web que poden ser visitadas e editadas libremente por calquera individuo. O sitio medra grazas ao perpetuo traballo dunha comunidade de usuarios interesada nos mesmos temas.

No 1995 Ward Cunningham creou o primeiro wiki, unha enciclopedia sobre programas de computación que, co tempo, converteríase nun sitio case de culto sobre o extreme programming. Sen embargo, a maior e indiscutible fonte de coñecemento na rede é a Wikipedia: Un compendio do coñecemento humano en permanente proceso de construción e no que participan a diario centos de miles de usuarios en máis dun cento de idiomas. Converteuse, por dereito propio, na mellor enciclopedia open-source de Internet.

Actualmente existe unha enorme variedade de proxectos wiki xestionados por comunidades de usuarios que comparten algún interese común.
Desde un punto de vista estrutural, unha plataforma tipo wiki contén a información (organizada, como en todo proxecto web, en formato hipertexto) nunha base de datos, vinculada a un software tipo CMS que xera as páxinas de maneira dinámica. Os seus principais elementos son:

• Editor de páxinas.- No que os internautas poden escribir os seus artigos ou realizar modificacións libremente sobre outros textos xa escritos. Algúns editores só permiten introducir texto plano; outros, como nos blogs, incorporan sinxelas ferramentas para dar formato aos textos e incluír vínculos. De maneira oculta, o texto é procesado conforme a unha plantilla que garante certa unidade estrutural e a disposición dos elementos comúns a todas as páxinas.

• Control de cambios.- Que contén o histórico das modificacións realizadas sobre un texto. Os usuarios poden acceder os cambios máis recentes, sendo moi útil a característica diff que resalta os cambios entre dúas versións consecutivas. Grazas a este historial, calquera editor (a miúdo para previr o vandalismo) sempre poderá restituír o texto a unha das súas versións anteriores.

• Motor de busca.- Permite atopar artigos no proxecto mediante a introdución de palabras clave. Nalgunhas wikis máis complexas pódense realizar buscas de texto completo e contextual. Tamén existen metabuscadores específicos (metawikis), que extenden a busca de contidos a outras plataformas wiki.

• Linguaxe de marcación (hypertext markup) simplificado.- Máis rápido e sinxelo que o HTML que, malia dispor de menos funcionalidades, garante unha maior homoxeneidade estilística, xerando artigos máis estruturados e seguros.

• Organización contextual da información.- Ao contrario que os blogs, nos que os artigos preséntanse en orde cronolóxica, as wikis permiten unha organización máis completa dos contidos; por temas e categorías (ou conceptos), podendo xerar de maneira automática un menú de navegación e táboas de contidos.

• Sistemas de prevención de vandalismo. A filosofía igualitaria e aberta destas plataformas favorece a inclusión deliberada de erros, o borrado malintencionado de artigos e o agregamento de contido ofensivo ou non desexado (sobre todo spam) Este é unha das alegacións máis repetidas polos críticos da wikipedia e, en xeral, polos detractores dos proxectos colaborativos libres de dereitos de autor. Un dos máis coñecidos exemplos é o do xornalista americano Al Fasoldt, cuxa furibunda crítica contra a calidade dos textos da Wikipedia provocou unha vaga de investigacións que, viñeron a confirmar que o número de erros desta enciclopedia non é superior ao doutros proxectos avalados por grandes editoriais. Algúns dos mecanismos para previr actos vandálicos son: Posibilidade de bloquear temporalmente os enderezos IP de internautas indesexados, bloquear os contidos de determinadas páxinas, obrigatoriedade de rexistrarse para poder editar artigos, etc. Sen embargo, o mellor sistema reside na actitude de permanente revisión e autocrítica da propia comunidade de usuarios.

No tocante ás propostas educativas que saquen partido da tecnoloxía wiki, hai que dicir que o seu número é bastante máis reducido que no caso dos blogs. Se ben, existen algúns proxectos, principalmente universitarios, que intentan potenciar as actitudes colaborativas de profesores e alumnos na elaboración de manuais, boletíns, cadernos de traballo, guías didácticas, etc.

Nun próximo post indicarei diferentes propostas educaticas.

Segundo Fourtain (2005) unha wiki é un “palimpsesto público” que se adapta aos contornos educativos nun contorno de participación igualitaria que facilita tanto a xeración colaborativa de documentos como o desenvolvemento de todo tipo de actividades que requiran unha xeración de contidos participativa e igualitaria. Por este motivo considérase ás plataformas wiki unha ferramenta de especial importancia para a aprendizaxe colaborativo en rede.

Sintetizando a opinión de varios autores podemos destacar as seguintes tarefas didácticas empregando wikis:

1. Participación en proxectos educativos nos que se pida ao alumnado a realización de pequenas enciclopedias temáticas sobre os contidos dunha determinada materia.
2. Investigacións catalográficas e bibliográficas.
3. Recompilación e resumo de fontes documentais. Especialmente artigos de prensa sobre un determinado tema.
4. Elaboración de guías educativas e materiais complementarios aos manuais de referencia empregados en clase.
5. Libros de citas e listas de tópicos sobre un determinado tema.
6. Recollida de testemuños procedentes de entrevistas ou de opinións dos alumno sobre temas de actualidade.
7. En xeral, todo tipo de traballos colaborativos que fomenten as afeccións persoais ou estimulen o sentimento de pertenza a unha comunidade con intereses compartidos.

O verdadeiro potencial pedagóxico de todo proxecto wiki só pode espremerse ao máximo cando os seus promotores comprométense a respectar os tres principios filosóficos en que se asenta esta tecnoloxía:

- Participación igualitaria: Calquera pode modificar contidos e publicar artigos con total liberdade.
- Ausencia de coordinación centralizada: A totalidade do proxecto está dirixida pola vontade colaborativa dun número aberto (e potencialmente ilimitado) de usuarios.
- Renuncia aos dereitos de autor ou propiedade intelectual dos contidos. Todo é de todos. Calquera texto pode ser modificado, reempregado, ampliado, reestruturado e empregado do xeito en que cada cal estime conveniente. As achegas non lle deben asinar nunca. En definitiva –cuestión dificilmente asumible por moitas mentes académicas– o traballo faise de xeito altruísta e desinteresada.

wiki-wiki!

Cargo Bridge. Enxeñería de pontes.

Despois do éxito que tivo o xogo Nitrohaul, aquí tendes outro serious game no que poñer a proba o voso enxeño con certas limitacións económicas.
En Cargo Bridge a vosa misión consiste en construir pontes para que os traballadores poidan transportar as diferentes cargas de un lado a outro. Ó principio disporedes de madeira como material de construción, a medida que vaiades avanzando poderedes acceder a outros materiais para incorporar ós vosos deseños.
Deberedes axustarvos ó presuposto dispoñible, cantos máis cartos aforredes na construcción máis puntos obteredes.



Enlace: http://www.physicsgames.net/game/Cargo_Bridge.html

PrácTICas. 11. Conexións do PC.

Acompañando este texto temos unha imaxe do “traseiro” dun modelo de PC de sobremesa semellante ós que utilizades na clase, na que se amosan as diferentes conexiós.
Hai un conxunto, a placa, na que se xuntan diferentes tipos. Destas conexións debedes buscar información na rede. Recordade as opcións de busca (busca con varias palabras, delimitar busca, busca avanzada...).
Cando atopedes a información debedes respostar ó correo que tedes na vosa conta gmail de clase. Neste correo vai adxunto un documento sobre a placa, que tedes que reenviar correctamente respostado e indicando o asunto (Respostas PrácTICa 11).

Escolares en Colombia

Seguro que tedes sete minutos para adicarlle a este vídeo. A calidade non é moi boa, pero debería servir para poñer en valor a vosas/nosas "circunstancias escolares".
O vídeo amosa o peculiar método de transporte escolar que teñen uns nenos colombianos.

Myspace text generator.

Myspace text generator
Xenerador de texto animado bastante atractivo. Para colocar en Blog o webs.

Buscadores

Para buscar e atopar en Internet normalmente só se necesita un buscador. Como xa vimos a principio de curso, o máis utilizado con diferenza é Google. Pero non só existe este buscador, temos outras opcións como Yahoo, Altavista, Hispavista, Lycos, Ask ou Bing e outros buscadores especializados. Debemos coñecelos así como as diferentes opcións de busca que nos proporcionan.
Sistemas de busca. Os buscadores dispoñen de dous sistemas de busca de información, mediante o emprego de palabras claves ou buscando nun directorio por temas.
A primeira opción de busca consiste en escribir unha ou varias palabras e pulsar Intro ou o botón de busca. Este é o sistema de procura máis directo, especialmente cando buscamos algo moi concreto. Case todo Internet está en Google. É cuestión de atopar as palabras axeitadas.

En ocasións é preciso efectuar varias probas con distintas combinacións de palabras. Podemos realizar unha busca escribindo unha palabra relacionada coa información que buscamos. Debemos escribir unha palabra especialmente relevante. Outra opción é marcar Buscar só páxinas en español, así limitamos a opción de busca entre as páxinas en idioma castelán. A páxina cos resultados móstranos as primeiras opcións. Se non atopamos a páxina que buscamos entre as primeiras que aparecen pulsamos sobre Seguinte.

Buscar con varias palabras.
A procura cunha soa palabra adoita dar como resultado moitos miles de posibles páxinas. Para concretar máis a procura adóitanse utilizar varias palabras. A maior parte das buscas que realizamos son empregando varias palabras á vez. Para atopar algo concreto o mellor é escribir varias palabras ben relacionadas coa información que desexamos. Por exemplo, se estamos interesado na cría do camarón escribimos na caixa do buscador cría camarón Se non atopamos entre as primeiras páxinas a dirección que buscamos o mellor é restar palabras de busca para atopar menos páxinas pero máis relacionadas co tema que nos interesa.

Delimitar a busca.
Colocando o signo "-" diante dunha palabra eliminamos da procura esa palabra. Deste xeito na lista non aparecen as páxinas que inclúen a palabra que engadimos co signo menos. Para eliminar as páxinas de flamenco que fan referencia ao cantante de flamenco chamado Camarón poñemos -flamenco. Este buscador clasifica as páxinas por importancia. Tamén presenta primeiro as páxinas onde as palabras aparecen xuntas ou máis perto.

Obtemos os mesmos resultados escribindo todo en minúsculas que se poñemos maiúsculas.

O buscador tamén adoita ignorar os termos superfluos como http. .com e certas expresións que non axudan a definir a busca. O buscador ignora as palabras que por ser demasiado numerosas (o, a, de, el, la…) non melloran a busca. Aínda que en ocasións interesa atopar unha frase completa.

Para buscar exactamente unha frase ou o nome dunha persoa poñemos aspas (“”). Por exemplo "miguel de cervantes" . Deste xeito só aparecen páxinas onde estas palabras aparecen xuntas. Tamén é útil para a procura de ditos ou refráns populares.

Traducir as páxinas que atopamos en outros idiomas.
Podemos buscar información en toda a Rede, de forma que atopamos páxinas que nos interesan en varios idiomas. Google dispón dun programa tradutor automático.
A tradución non é tan boa como a que realiza unha persoa que coñeza o idioma pero pode servirnos para entender o documento.

Busca avanzada.
Dende a primeira páxina dos buscadores podemos acceder ao formulario para Busca Avanzada. Pulsamos sobre o enlace que se atopa xunto a caixa de busca. Aparécenos un formulario de busca avanzada. Podemos seleccionar as palabras que teñen que aparecer sempre nos documentos escribíndoas na caixa de todas. Se queremos buscar unha persoa, unha frase, un refrán, escribímolo no recadro da frase exacta. Se buscamos páxinas nas que apareza indistintamente unha palabra ou outra, escribímola con algunha das palabras. Para excluír certas palabras da procura escribímola sen as palabras. Por exemplo se queremos atopar información sobre pintura pero desexamos excluir os impresionistas escribimos impresionistas na caixa de sen as palabras. Podemos seleccionar o tipo ou formato de documento. Por exemplo se só desexamos documentos en PDF que son fáciles de imprimir seleccionamos Adobe Acrobat PDF.

A procura de imaxes tamén conta cunha opción de busca avanzada.

Outra opción de busca en Internet é utilizar un buscador especializado no tema que nos interesa.

Lista de Buscadores Especializados.

Nitrohaul. Deseña un vehiculo de transporte.

Nitrohaul é un interesante xogo no que tes que deseñar un vehículo capaz de transportar caixas sen que se caian e avanzar ata o final do mapa perdendo a menor cantidade posible. Pon a proba o teu enxeño.

www.physicsgames.net/game/Nitrohaul.html

Dous videos para ver e reflexionar

Creados polo grupo Digital Ethnography da Universidade de Kansas.

PrácTICas. 10.

Incrustar un vídeo no blog.

Nesta práctica o primeiro que debemos facer é buscar información na rede sobre o sistema de animación stop motion.

Posteriormente deberemos redactar e publicar unha entrada no blog sobre a información atopada e un vídeo de youtube realizado co sistema de stop motion incrustado na entrada acompañando o texto.

Para a incrustación do vídeo no blog o único que temos que facer é copiar o código que aparece na páxina do vídeo en Youtube en embed e pegalo na nova entrada de blogger, no lugar onde queiramos que vaia o vídeo.

prácTICas. 9.

Ver mapa más grande

Mapas

A práctica consiste en incluir no blog personal un mapa.
Busca en “Google maps” a rúa ou lugar no que vives.
Na parte superior dereita da pantalla aparece o termo “enlazar”. Aquí temos dúas opcións: A url do mapa (que aparece en primeiro lugar), ou o código HTML para insertar nun sitio web.
Debaixo da segunda opción temos a posibilidade de ver unha vista previa e personalizar a presentación do mapa (tamaño, vista satélite…).

PrácTICas. 8

Lista de blogs e contador web.

No blog persoal da materia, cada alumno e alumna deberá incluír unha lista de enlaces cos blogs dos compañeiros/as de clase.
(Acceder – Diseño – Elementos de la página – Añadir un Gatdget – Lista de Blogs/Lista de enlaces)
Tamén incluirá un contador web.
Un contador web é un programa informático que indica o número de visitantes que unha determinada páxina web recibe. Unha vez configurado, estes contadores incrementaranse un a un tras cada visita á páxina.
Blogger, polo de agora, non ofrece esta ferramenta pero existen diferentes páxinas nas que poder obtela gratis. Un exemplo é contadorweb
Pódese seleccionar un contador de entre un curto, pero suficiente, catálogo de contadores de visitas. Selecciona o máis axeitado ó deseño da túa páxina.
Na mesma páxina tes as instrucións para instalar o contador en Blogspot.

PrácTICas. 7.

CREACIÓN DUN BLOG PERSONAL.

Cada alumno e alumna creará o seu propio blog personal con Blogger.

Blogger , é unha ferramenta gratuíta de Google para crear blogs , que ademais , non necesita nada mais que seguir uns cantos pasos polo noso navegador, cos que teremos o noso blog listo , tamén do mesmo xeito que con blogger existen outros sitios onde crear o noso blog.

O profesor explicará o procedemento na aula.

De tódolos xeitos deixo o seguinte enlace de un tutorial no que se explican todos os pasos para a creación do blog para quen o precise.

http://docs.google.com/fileview?id=0B0rYUKDE9VQrMWQ4YzY4ODgtOWI0Ni00NWIxLWIyMmQtNzcwZDk1ZTdlYThl&hl=en

Tamén un video:

O WEBLOG

Un Weblog ((do inglés web + log (“log” en inglés = diario) )), blog, bitácora (en referencia ós cadernos dos barcos) ou blogue é unha páxina web onde hai mensaxes ou publicacións ordenadas cronoloxicamente escritas por unha ou varias persoas, chamados webloggers, sobre un tema en particular a modo de diario on-line.

Hai algunhas características que son comúns á maioría dos weblogs, como que os lectores poidan deixar comentarios, unha lista con ligazóns a outros weblogs, chamada blogroll, un arquivo coas publicacións anteriores, etc.

Outras características non tan comúns, pero que están presentes na maioría dos weblogs, son a de permitir trackbacks, que serve para saber quen liga á publicación, e a de permitir a subscrición, xeralmente mediante RSS, XML ou Atom, que serve para poder ler os weblogs dende un programa á parte.

Tamén se diferencian no seu soporte económico: os sitios de noticias ou xornais dixitais adoitan estar administrados por profesionais, mentres que os weblogs son principalmente persoais e aínda que nalgúns casos poden estar incluídos dentro dun xornal dixital ou ser un blog corporativo, adoitan estar escritos por un autor ou autores determinados que manteñen habitualmente a súa propia identidade. Un aspecto importante dos weblogs é a súa interactividade, especialmente en comparación a páxinas web tradicionais. Dado que se actualizan frecuentemente e permiten aos visitantes responder ás entradas, os blogs funcionan a miúdo como ferramentas sociais, para coñecer a persoas que se dedican a temas similares; co cal en moitas ocasións chegan a ser considerados como unha comunidade

Crear e manter un weblog non é dificil, posto que hoxe en día existe unha grande cantidade de ferramentas gratuitas para levar weblogs. Moitas permiten, sen ter coñecementos técnicos, administrar todo o weblog, escribir, editar e borrar as publicacións, moderar os comentarios dos lectores, etc. As ferramentas máis coñecidas deste tipo son Movable Type, Textpattern e Greymatter. Tamén hai páxinas on-line que permiten facer todo isto sen necesidade de baixar nada. As ferramentas on-line máis coñecidas son Blogger, TypePad e Pitas.

As ferramentas que proporcionan aloxamento gratuíto asignan ao usuario unha dirección web (por exemplo, no caso de Blogger, a dirección asignada termina en "blogspot.com", e provenlle dunha interfaz, a través da cal pode engadir e editar contido. Con todo, a funcionalidade dun blog creado cunha destas ferramentas limítase ao que poida ofrecer o provedor do servizo, ou hosting.
Un software que xestione o contido, en tanto, require necesariamente dun servidor propio para ser instalado, do modo en que se fai nun sitio web tradicional. A súa gran vantaxe é que permite control total sobre a funcionalidade que ofrecerá o blog, permitindo así adaptalo totalmente ás necesidades do sitio, e ata combinalo con outros tipos de contido.

Unha das primeiras páxinas web foi un weblog onde Tim Berners-Lee, un dos pais de internet, publicaba un pequeno comentario das novas páxinas webs que ían aparecendo. Ainda así, non se pode falar de weblogs até o ano 1997, que foi cando Jorn Barger inventou o termo weblog. Coa saída dos novos servizos como Blogger ou Pitas o número de weblogs aumentou moito. Non se sabe con certeza cal é o número total de weblogs existentes, sobre todo a partir dos anos 2002, 2003 e 2004 que foron os anos onde houbo un "estourido" de weblogs. A principio do ano 2004 calculábanse o seu número en máis de 8 millóns.

Algunhas variantes de weblogs son os fotoblogs, onde os webloggers publican imaxes, os vlogs ou videoblogs, onde os webloggers publican vídeos, os audioblogs, onde os webloggers publican gravacións sonoras, e os moblogs, onde os webloggers publican dende un teléfono móbil. O autor dun blog pode inclinarse por máis dunha destas variantes.

Os weblogs en galego tiveron o seu auxe no 2004 de onde pasaron de ter só uns 20 weblogs aproximadamente a principios de ano, a ter 300 weblogs aproximadamente a finais de ano. O blogomillo é o termo que engloba ao colectivo de todos os weblogs en galego.

Glosario:

Entrada: entrega, posteo ou asento: a unidade de publicación dunha bitácora. En inglés chámaselle "post" ou "entry".

Borrador: é unha entrada ingresada ao sistema de publicación, pero que aínda non se publicou. Xeralmente óptase por gardar unha entrada como borrador cando se pensa corrixila ou ampliala antes de publicala. En inglés chámaselle "draft".

Fotolog ou fotoblog: unión de foto e blog, blog fotográfico.

Bloguero: escritor de publicacións para formato de blog. É común o uso do termo inglés orixinal: "blogger".

Comentarios: son as entradas que poden facer os/as visitantes do blog, onde deixan opinións sobre a nota escrita polo\/a autor/a. En inglés chámaselle "comments".

Plantilla: Documento que contén pautas de deseño pre-codificado de uso sinxelo. En inglés chámaselle "template". Estas plantillas, que habitualmente utilizan follas de estilo en cascada -CSS-, poden ser modificadas na maioría dos casos polos propios usuarios e adaptados ás súas necesidades ou gustos.

Bloguear: acción de publicar mensaxes en weblogs.

Blogosfera: conxunto de blogs agrupados por algún criterio específico (localización, temática, idioma). Por exemplo: blogosfera hispana, blogósfera chilena ou a blogosfera política. O termo foi acuñado en 2002 por William Quick.

Blogonimia: Investigación da orixe dos nomes con que os blogueros ou donos das bitácoras bautizaron as súas blogs.

Blogalifóbica: cualificativo que se aplica a aquelas empresas ou organizacións que non aceptan que os seus empregados teñan blogs. Como a palabra indica, sería unha fobia aos blogs. Susténtase no medo a que no blog aparezan informacións que poidan danar a imaxe dunha empresa, ou que prexudiquen aos seus beneficios...

Tumblelog: blog de apuntes, esbozos, citas ou enlaces sen esixencias de edición, nin completitud. Non admiten comentarios, etiquetas ou categorías. Teñen un aire neoweb 1.0.

PrácTICas. 6

Aplicacións google. Novas, blogs e libros.

Buscar en Google Noticias co termo Boiro.

En búsqueda de Blogs analiza e visita algúns dos resultados que, co termo Boiro, ofrece o buscador.

En búsqueda de libros, buscar libros sobre técnicas de estudio.

Manda un correo electrónico a franblancoalcaide.barranha@gmail.com

Asunto: PrácTICa 6.

Texto: Sobre Google Noticias escribe un pequeno comentario sobre a nova que máis te chamase a atención.
Escribe a dirección do blog que consideres máis interesante.
Na busca de libros, indica o número total de resultados que ofrece o buscador, selecciona un dos libros, indica o título e os motivos da túa selección.

PrácTICas. 5.

Mandar un correo electrónico a varias persoas con documento engadido.

Busca en google imaxes de Barbanza. Selecciona unha e envia a imaxe adxunta nun correo a franblancoalcaide.barranha@gmail.com e a dúas direccións máis.
Escribe nos distintos apartados os datos que se solicitan:
Unha vez rematada a actividade, preme na opción enviar.

PrácTICas.4. Enviar un correo electrónico.

1.- Enviar un correo electrónico a:

franblancoalcaide.barranha@gmail.com

Expón as razóns polas que elixiches a materia de TIC.
(Antes de redactar pensa).

Escribe nos distintos apartados os datos que se solicitan.

Unha vez rematada a actividade, preme na opción ENVIAR

PrácTICas.3.Crear unha conta de correo en Google-Gmail

Debes crear unha conta de correo persoal en Gmail.

O nome de rexistro debe ser o teu nome e 1º apelido xuntos seguido de .barranha@gmail.com (exemplo: pepebarreiro.barranha@gmail.com)

Para crear unha conta, na pagina de inicio de Google, fai clic en Gmail, que se atopa na parte superior e aparecerache unha xanela de benvida a gmail.

Entra na opción “crear una cuenta”.

Debemos encher todos os campos e ler as condicións de uso do servizo Gmail. Logo facemos clic en “Acepto crear mi cuenta”.

Aparecerá a páxina de presentación do servizo, aquí facemos clic en “Estoy listo, llévame a mi cuenta”.

Nas mensaxes recibidas aparecerá o que nos envía o equipo de Gmail dándonos a benvida e algunhas recomendacións para empezar utilizar a nosa conta.

Dixital

Se contas con sete minutos (seguro que sí), recomendo seguir este videoartigo sobre o concepto e os límites do dixital e da «revolución» que introduce na cidade contemporánea. É de 2007 (ó mellor un pouco antigo, xa que neste mundo as cousas mudan moi apresa), pero algunhas afirmacións aínda son interesantes.

The eyeballing game

The eyeballing game.
The eyeballing game é un xogo de precisión man-ollo que mide a destreza coa que somos capaces de calcular determinadas abstracción xeométricas.
Ainda que está en inglés, enténdese perfectamente, porque é basicamente visual.
O que hai que facer é moi sinxelo. Hai tres rondas consecutivas nas que hai que:
1. Axustar dous lados movendo un vértice para que a figura resultante sexa un paralelogramo (figura con lados paralelos dous a dous)
2. Atopar o punto medio dun segmento.
3. Trazar a bisectriz dun ángulo. É dicir, que a liña que sae do vértice o divida en dúas partes iguais.
4. Atopar o punto que está equidistante (é dicir, á mesma distancia) de cada un dos lados do triángulo.
5. Trazar o ángulo recto (90º) que forman dúas rectas.
6. Calcular o punto de converxencia de tres rectas.
A medida que se fan as rondas vaise obtendo unha puntuación, e unha estadística final.

fai a proba.

prácTICas. 2. web 2.0.

Busca información sobre a web 2.0.
visualiza este video e o dos seguintes enlaces:





http://www.dailymotion.com/video/x2ax7x_web-20-y-educacion_tech

http://www.youtube.com/watch?v=KlLY3D--yw0

http://www.youtube.com/watch?v=YXFYkbQRgY4

http://www.youtube.com/watch?v=xLhdQaU357Y

Busca en google videos outros sobre a web 2.0.

prácTICcas.1. Para comezar. TIC

Buscamos con Google as siglas “TIC”. Unha das web que nos facilita é a da Wikipedia, na que se pode ler unha definición
de TIC.

Presentación

Este Blog é o punto de encontro dos alumnos do IES Praia Barraña de Boiro (A Coruña), na materia T.I.C. (Tecnoloxías da Información e da Comunicación).